Meađđin

Luossamanni (meađđin) mii veajahahtto. Govva: Arnt Mollan

 

Meađđin lea guollemanni. Luossameađđin lea runta (oránša) ja beanta stuorrá ahte leat guollemannin. Duovvi sáhttá bidjat 1450 meađđenčalmmi juohke kilos maid deaddá. Goadjin bahčá guovssa meađđimiid ala dakkaviđe go duovvi luoitá daid.

Luossameađđin lea jorbbas ja das lea hui čáppa runta ivdni. Guollemannin leat dat hui stuorrá – sullii seamma sturrosačča go smávva hearttat. Stuorát luosain leat stuorát meađđimat go smávit luosain. Okta gaskageardásaš duovvi sáhttá bidjat 1450 meađđenčalmmi juohke kilo ovdii maid deaddá.

Meađđin biddjo ovtta gođđosadjái. Lea duovvi mii roggá gođđosaji. Duovvi goaivu beahcehiin ja mihtida rivttes čiekŋalasa vevssiin. Dat duostileamos goadjin lea das dakkaviđe ja luoitila guovssa meađđimiid ala. Duovvi jođánit gokčá meađđimiid čievrrain suddjen dihte daid. Lea dehálaš ahte čievra lea muttát sturrodagas. Ferte leat áibmu dan veardde ahte oksygenavalljičáhci beassá meađđimiid lusa. Dat stuorámus duovit rogget daid čiekŋaleamos gođđosajiid. Stuorámus goadjimat fas sahkkehit eanemus meađđimiid.  

Meađđengarra lea čađačuovgi ja dimis. Guovva- Njukčamánus sáhttá juo čalmmiid oaidnit veajehiin mat leat meađđimis. Dalle gohčodit mii daid meađđenčalbmin. Meađđemiid veajahahttin dáhpáhuvvá álgogiđa. Meađđimat mat gávdnojit jogain máddin veajahahttojuvvojit ovdal go meađđimat davvin.

Meađđin lea beaktilis ja dearvvaslaš borramuš. Meađđimat mat rivdet rávnnji mielde eret gođđosajis, gártet jođánit biebmun lottiide ja eará guliide. Divremáđut čievrras borret muhtun meađđima dálvvi badjel.

Luossameađđin ja skáhpemuorji

Mii geavahat dávjá sáni meađđin dan sajis go manni. Leat go oaidnán skáhpemurjjiid? Runta ja jorbasat. Sulastahttet luossameađđima. Leatgo luossamanit ožžon nama skáhpemurjjiid maŋis, vai lea go nuppe láhkai? Maid don jáhkat?

Skáhpemuorjjit mat sulastahttet meađđima . Foto: Tone Løvold

 

Heivvolaš hárjehus:

Dás gávnnat ovtta hárjehusa mii heive fáddái maid aiddo leat lohkan.

 
Gasta DesignLaks